Долгорочно вработување во Германија

Што е Регулативата Западен Балкан?

Регулативата Западен Балкан (Westbalkanregelung) е посебна германска регулатива која овозможува државјани од земјите на Западен Балкан да работат во Германија без призната професионална квалификација, доколку имаат конкретна понуда за работа од германски работодавач и ги исполнуваат условите за национална работна виза.

Регулативата важи за речиси секој тип на вработување. Исклучок се регулирани професии (лекари, медицински персонал и слично) каде законски е потребно признавање на диплома.

Регулативата важи за државјани на следните земји:

Северна Македонија

Србија

Босна и Херцеговина

Албанија

Косово

Црна Гора

Кој може да аплицира?

Со европски пасош

Доколку имате европски пасош, процесот е значително поедноставен. Разгледајте ги моменталните работни позиции и контактирајте не директно.

Без европски пасош

Процесот оди преку Westbalkanregelung. Потребна е национална работна виза издадена од Амбасадата на Германија во Скопје. Контекст ве води низ целата постапка.

Основни услови за аплицирање: државјанство од земја на Западен Балкан, конкретна работна понуда од германски работодавач, важечки пасош и потребна документација, основно познавање на германски или англиски јазик.

Кандидати со наполнети 45 или повеќе години За оваа категорија важат дополнителни услови според германската регулатива. Обично мора да се докаже доволно висока бруто-плата според германските законски прагови или соодветно пензиско обезбедување.

Затоа, за кандидати со наполнети 45 години не можеме однапред да потврдиме дека секоја работна позиција е соодветна за виза. Потребно е прво да се провери:

• возраста на кандидатот
• понудената бруто-плата
• работната позиција и работодавачот
• дали условите одговараат за апликација за виза

За кандидати под 45 години постапката е поедноставна, но и таму секогаш зависи од договорот, работодавачот и одобрувањето од германските институции.

Контактирајте не за индивидуална проверка на вашиот случај.

Плата и јазични барања

Платата не е иста за сите кандидати — зависи од работната позиција, работодавачот, квалификациите, искуството и познавањето на јазик. Законската минимална плата во Германија од 01.01.2026 изнесува 13.90 € бруто по час и ќе се зголеми на 14.60 € од 01.01.2027. За позиции со искуство или подобро познавање на германски, платата може да биде значително повисока.

За долгорочна работа во Германија потребно е кандидатот да има основно познавање на германски или добар англиски јазик. Предност имаат кандидати со германски јазик од А2 ниво нагоре. Кандидати кои не зборуваат ниту германски ниту англиски не можеме да ги вклучиме во процес — комуникацијата со работодавачот, институциите и секојдневниот живот во Германија бараат минимум јазична подготвеност.

Сектори и позиции

Работните понуди зависат од моменталните потреби на германските работодавачи и од профилот на кандидатот. Контактирајте не за актуелни понуди.

Угостителство и ресторани

Хотелиерство

Кафетерии и ресторани за брза храна

Кујна и помошни работи

Housekeeping и чистење

Магацин и логистика

Производство и пакување

Аеродромски услуги

Контекст е договорен партнер на големи ланци на ресторани за брза храна, аеродроми, супермаркети, хотели, магацини, фабрики и многу други работодавачи од различни бранши. Работните понуди се менуваат — контактирајте не за актуелни позиции.

Kako функционира?

Времетраењето зависи од тоа дали во моментот има активна работна понуда за профилот на кандидатот. Ако има соодветна понуда и документацијата е комплетна, процесот најчесто трае 2–3 месеци. Ако нема моментално отворена позиција, кандидатот останува во база и се контактира кога ќе има соодветна можност.

Важно — сместување Доколку работодавачот не нуди сместување, кандидатот е должен самостојно да бара. Контекст дава детални инструкции за наоѓање сместување, врши проверка на валидноста на најденото сместување и дава зелено светло за резервација. Доколку Контекст има контакти од претходни сместувања, ги предлага на кандидатот без обврска.

Контекст е агенција за вработување — не туристичка агенција. Помага на кандидатите со информации и проверка, но не врши услуга на сместување.

Потребна документација

Документите за долгорочно вработување се поразлични од студентската и сезонската работа — поради националната работна виза и подолгорочниот престој. Документите кои не се на германски јазик треба да бидат преведени.

Контекст не е за сите. И тоа е во ред.

Во Контекст не посредуваме само работни понуди. Ние поврзуваме сериозни луѓе со сериозни работодавачи во Германија. Не продаваме соништа — работиме со реални позиции и реални можности.

Какви кандидати бараме?

• ✔ Луѓе кои сакаат да работат — не само да заминат
• ✔ Кандидати кои разбираат дека Германија бара дисциплина и одговорност
• ✔ Лица со соодветно јазично познавање
• ✔ Флексибилни за локација и реални во очекувањата
• ✔ Финансиски и психолошки подготвени за нов почеток
• ✔ Искрени и транспарентни апликанти

Што ние нудиме?

• ✔ Проверени и реални работни понуди
• ✔ Професионална комуникација со работодавачите
• ✔ Јасни и транспарентни информации за условите
• ✔ Поддршка низ целиот процес
• ✔ Бесплатно посредување за сите актуелни позиции

Што очекуваме од вас?

• Точни и вистинити информации

• Трпение во процесот

• Почитување на договорените услови

• Реални очекувања за квалификациите

• Флексибилност за локација

• Сериозна намера за работа

Погледни го процесот

Честo поставувани прашања